President's Cup Final Kulikawn hmaah Zarkawt Lords

Tualchhung cricket inelna ngaihhlut zinga mi - President's Cup 2022 chu vawiin chawhma dar 10:30 hian final khelh a ni dawn. Suaka Cricket Ground, Sihhmuiah Kulikawn leh Zarkawt Lords ten nomawi an inchuh ang.

Board of Control for Cricket in India (BCCI) hnuaia an awm hnuah Mizoram cricket pawhin hma a sawn zel. Cricket Association of Mizoram (CAM) in phai lamah senior team a tirh bakah tualchhung player ṭha dang inkhel hmuh tur an tam ta.

Nilaini khan semifinal khelh a ni a, tunlaia tualchhung team ṭha leh sulhnu nei ṭha bera chhal ngam Ramhlun Venglai chu Zarkawt Lords lakah an chak lo. RVL hnehtu Zarkawt hian inrintawkna an nei sang dawn.

Kulikawn dah hniam theih an ni bik lo, cricket khel hmasa leh club hlun tak an ni. Tun hnaiah nomawi chawi tam tawk lo mah se team nghet an nihna a rawn lang chhuak leh mek a, vawiinah hian chak tur zawka rinkai a sawi theih loh - ṭhum vawr a pawimawh tel ang.

Semifinal Results
Zarkawr Lords (102/6) bt Ramhlun Venglai (98/10)
Zarkawt Lords hi wicket liin an chak
Toss: Zarkawt Lords lamin vawm hmasak an thlang
MoM: C. Vanlalthafamkima, Zarkawt Lords

Ramhlun Venglai CC 98/10 (18.3 Overs)
Hruaia 29(32); B. Laltlanmawia 17(21)
Lalrinfela 3/19(3.3); R. Lalhlimpuia 2/14(3)

Zarkawt Lords CC 102/6 (18.5 Overs)
C. Vanlalthafamkima 27(23); Lalroluahpuia Ngente 21(40)
Lalrinfela Zadeng 2/14(4)

Kulikawn (85/4) bt Gorkha (84/10)
Kulikawn hi wicket rukin an chak
Toss: Gorkha lamin vuak hmasak an thlang
MoM : TC Laledenthara, Kulikawn

Gorkha CC 84/10 (19.1 Overs)
Sameer Thapa 14(24); Santosh Murmu 13(18)
TC Laledenthara 3/6(4); Lalrintluanga Vanchhawng 2/16(4)

Kulikawn CC 85/4 (18.1 Overs)
Roger Lalruatfela 31*(55); Vanlalrinzuala 11(19)
Sahil Sharma 3/15(4); Rajiv Jaisi 1/17(3)