Kum 11 hnuah Akinfeev-a'n Goal a venghim!

CSKA Moscow kee­per Igor Akinfeev chuan kum 11 chuang hnua a vawi khat nan Champions League-ah goal a chhuah lo! Russian club hian Thawh­­lehni zan khan Benfica chu 2-0 in an hneh a ni.

Kum 31 mi Akinfeev hian Benfica an hma­chhawn hma hian qualifier chhiar tel lohin Champions League-ah match 43 a khel tawh a, goal a la chhuah vek! Benfica hmaa Champions League-a goal a chhuah loh hnuhnung ber chu November 1, 2006 khan a ni a, Arsenal nen goal khung loin an inhnehtawk a ni.

Nilaini zana Benfica nena an inkhelah hian Georgy Schennikov chuan Russian club tan minute 13-na lekah goal hmahruai a khung a, Benfica defen­der Jardel chuan an lamah a ti lut bawk.

CSKA Moscow coach Viktor Goncharenko chuan, "Igor-te ang keeper class sang takin hetianga rei goal an chhuah tawh hi a lawmawm lo a, goal chhuah loa hun hman kha kan tum em em a ni," tiin an keeper tana an khelh thu a sawi.