Mahuma Memorial I Div Kulikawnin Zarkawt Lords an sawp

Mahuma Memorial Cricket Tournament khelh mekah nimin khan Kulikawn chuan wicket riatin Zarkawt Lords an sawp a, Kulikawn tan wicket li latu spinner Lalrintluanga chu player langsar a ni.

Suaka Cricket Ground Sihhmuia inkhelah ṭhum vawra vannei zawk Zarkawt Lords-in vuak hmasak an thlang a, duh an thlang sual - opener Darremsanga'n run 26 a tlin tih loh chu uanpui tham run siam an siam lo a, over 34.1-ah run 104 chiah siamin an out vek.

Kulikawn bowler zinga vawm ṭha ber Lalrintluanga'n over riat a vawmah run 20 chauh a pe a, wicket li a la thei. Batting lamah pawh Kulikawn an che chhe lo - over 26.3 lekah an target an umpha a, wicket hnih chiah hlohin hnehna an chang. Kulikawn tan batting lamah Prasenjit Sarkar chu player langsar a ni a, state pawn aṭanga an lakluh batsman hian run 65 lai siamin a tawp thleng a dam a ni.

Nimin Inkhel Result
Kulikawn CC: 105/2 (26.3) bt Zarkawt Lords: 104/10 (34.1)
*Wicket riatin Kulikawn an chak
Vawiin Inkhel Tur
09:30 AM Zemabawk Pitchers CC vs Gorkha CC