Sub Junior Inter District Kolasib-in semifinal an lut

MFA hnuaia 13th Sub Junior Inter District Football Championship khelh mekah Kolasib chuan nimin khan semifinal an lut a, Chhangphut Field, Champhaia inkhelah nimin khan Siaha chu 10-0 ngawtin an sawp. Kolasib hian an match hmasa berah 3-0 a Aizawl an lo hneh tawh bawk avangin a thiam pali zingah hian an tel nghal a ni.

Nimina inkhel hnuhnung zawkah chak mamawh ve ve Aizawl leh Serchhip an inhmachhawn a, Aizawlin 4-1 in hnehna an chang. Aizawl hian semifinal lut turin an match hnuhnung berah Siaha an hneh a ṭul ang. Vawiinah inkhel pathum a awm dawn a, semifinal lut tur hril tur inkhel a nih dawn avangin a hmuhnawm ang.

Nimin Inkhel Result

Kolasib 10 - 0 Siaha

KOL : Lalmuanpuia 13',48'; David Ramengmawia 14',39'; Lalrindika 17'; Lalthangliana 20',24',31'; Vanlalhriatpuia 49'; Lawmzuala 68'

Serchhip 1 - 4 Aizawl

SER : Vanlalringa 65'

AIZ : Lalhmunmawia 10', 61'; Pradeep 44'; Lalduhsaka 70'

Vawiin Inkhel Tur

10:30 AM Mamit vs Lawngtlai

12:30 PM Champhai vs Lunglei

02:30 PM Kolasib vs Serchhip