Zin zingah Andre a tel

I League champion Aizawl FC chuan East Bengal hmachhawn turin vawiin hian Kolkata an pan dawn. MPL club hian November 28, Thawhlehni zan dar 8:00 hian season liam taa Mizo club champion puitu coach Khalid Jamil-a kaihhruai Red and Gold an hmachhawn ang.

Aizawl FC hian player 20 an hruai zingah hliam vanga MPL6 semifinal-a Mizoram Police hmachhawn thei lo Andrei Ionescu a tel a, Romanian midfielder bakah hian foreigner dang panga an tel vek bawk.

Portuguese coach Paulo Meneses chuan, "Kol­kata hi hnehna chan tumin kan pan a, result ṭha tak Mizo mipui tan rawn hawn kan tum a ni," tiin Vanglaini a hrilh.

AFC Squad
GOALKEEPER : Lalawmpuia, Avilash Paul, Arup Debnath
DEFENDER : Lalramhmunmawia, Lalhriatrenga, Lalrinzuala Khiang­te, Lalrozama Fanai, Masih Saighani, Kareem Omolaja Nurain
MIDFIELDER : H. Lalbiakthanga, David Lalrinmuana, Alfred Kemah Jaryan, F. Liandala Sena, Lalṭhathanga Khawlhring, Albert Zohmingmawia, H. Lalmuankima, Leonce Dodoz Zikahi, Andrei Ionescu
FORWARD : William Lalnunfela, Yugo Kobayashi
TEAM OFFICIAL : Hmingthansanga (Manager), Paulo Jorge Menezes (Coach), Izan Martin Andres (Asst Coach), RK Zothanpuia (Physio)