Match 18 chak tur City?

Manchester City-in inelna hrang hrangah a zawnin match 17 chhung hnehna an chang tawh a, Premier League hma­hruaitu Pep Guardiola naute hian Pathianni zan dar 9:30-ah kai thar Hud­dersfield an lenchilh ang.

Man City hi a vawi 18 nana chak tura rinkai an ni, chutihrualin Huddersfield hian an khelmual Kirklees Stadium-ah match sarihah vawi khat chiah chak loh an nei; City hi chak chiang tia sawi ngawt theih an nei bik lo.

Spanish manager Pep-a'n a duh a nih chuan striker Sergio Aguero a chhawr thei tawh dawn, Argentine striker hian City tan goal 179 khung tawhin record nei ṭha ber a ni a, tlarhma lama a elpui Gabriel Jesus chuan Aguero record khum a duh thu a sawi.

City tana match 28 a khelh aṭanga goal 17 khungtu Jesus chuan, "Kan team chhunga mite hi chuan Sergio hi player ṭha chungchuang bik a nih zia kan hre vek, a bula khelh a nuam ka tiin kawng tam takah chuan ka entawn fo bawk. Record ropui tak hun rei tak lo awm tawh a khum thei a, he record hi khum ve leh ngei ka duh," tiin a sawi.