Saina zinkawng a tawp

Badminton inelna lian zinga pakhat Hong Kong Open Super Series khelh mekah Saina Nehwal chu quarterfinal lut zo loin a tla a, Indian shuttler dang PV Sindhu erawh a thiam pariat zingah a inhlangkai thung.

Ningani inkhelah Saina hi khawtual nula Chen Yufei nen darkar khat zet an inbeih hnuah 21-18, 19-21, 10-21 in a chak lo zawkah a ṭang, world number 1 hlui tan last 16-ah a zinkawng a tawp.

Inkhel dangah world number 2 Sindhu chu Japan nula Aya Ohori lakah minute 39 chhungin 21-14, 21-17 in a chak a, quarterfinal a lut. Sindhu hian seeded pangana Akane Yamaguchi a hmachhawn leh ang.

Mipa singles lamah HS Prannoy chu Japanese shuttler Kazumasa Sakai nen minute 54 an inkhelh hnuah 21-11, 10-21, 15-21 in a chak lo zawkah a ṭang; Indian tlangval dang Parupalli Kashyap leh Sourabh Verma te chu Nilaini khan an chak lo tawh bawk.