Robben inlan thei dawn lo

Bayern Munich chuan zanin dar 11:00 hian Borussia Monchengladbach an hmachhawn dawn a, Bundesliga inkhelah hian Arjen Robben chu chawn hliam vangin a inlan thei dawn lo.

Dutch winger Robben hi Champions League-a Belgian club Anderlecht 2-1 a an hneh ṭumin lakchhuah a ni. Gladbach nen hian Robben hi inlan thei lo mah se December 5-a Paris Saint Germain an mikhual hunah erawh a inlan theih tawh beisei a ni.

Bundesliga match 12 khelh tawh aṭangin Bayern hian point 29 an hmu a, anmahni hnaih bertu Schalke aiin point rukin an sang zawk. Season ṭantirh lama Bayern elpha tura dah Borussia Dortmund erawh vawi li an chak tawh loh avangin point 20 an hmu a, pangana an ni.

Zanin dar 8:00 hian Dortmund-in Signal Iduna Park-ah Schalke an mikhual dawn a, Peter Bosz-a hote tan chetsual a thiang tawh lo.