Nulian champion Lalhmangaihsangi

Mizoram Wrestling Assocaition (MWA) leh Zonet ṭangkawp ten an buatsah - Mizo Inchai Title Fight 2022 chu a hmawr bawk a ni ta. Ningani zan khan Dawrpui Multipurpose Center-ah hun hnuhnung hman niin, nulian inchaiah Lalhmangaihsangi a champion.

A tir aṭangin inchai a hmuhnawm, 84 kg-a rit Hmangaihsangi'n a rihna leh tharum a hmang thiam a, round hnihna, thumna leh linaah a khingpui Lalsiamthari a bawh bet vek. Round hnuhnung berah East Lungdar nula Siamthari hian bawhbet ve mah se awmzia a nei phak tawh lo.

Dilkhan nula Hmangaihsangi chuan, "Tun dinhmun min hruai thlengtu Pathian chungah ka lawm. Mizoram Wrestling Assocaition leh Zonet chungah ka lawm bawk. Kan khaw mipui leh ka thlenna Dawrpui ten min thlawpna pawh lawmawm tak a ni," tiin a sawi.