Kulikawn hnehin Zarkawt an champion

Cricket Assocaition of Mizoram (CAM) hnuaia inelna ngaihhlut zinga mi - President's Cup 2022 chu nimin khan khelh zawh a ni a, team ṭha Zarkawt Lords an champion.

Suaka Cricket Ground, Sihhmuia inkhelah Lords hian an khingpui Kulikawn chu wicket sarihin an hneh a, tualchhung cricket inelna huangah sulhnu ṭha an hnutchhiah, semifinal-ah Ramhlun Venglai an hneh avangin tun ṭumah chuan team ṭha an ni.

Ṭhum vawra vannei zawk Zarkawt Lords hian vawm hmasak an thlang a, an khingpui Kulikawn lamin over 20 chhungin run 115 an siam, tunlai khaw awmdan nen chuan target sang tak a ni hran lo.

Lords tan captain C. Lalhlimpuia (31), R. Lalṭhakima (27) leh Lalroluahpuia Ngente (27) te an che ṭha a. Chutihrualin an target umphak turin over 19.3 thleng an nghah a ngai a, a tawp lamah chesual thei dinhmunah an ding hman tihna a ni.

Final Result
Zarkawt Lords (116/3) bt Kulikawn (115/8)
Zarkawt Lords hi wicket sarihin an chak
Toss: Zarkawt Lords lamin vawm hmasak an thlang
PoM: R. Lalhlimpuia, Zarkawt Lords

Mimal Lawmman
Best Batsman: Roger Lalruatfela, Kulikawn
Best Bowler: PL Muana, Kulikawn
Man of the series: Naveen Aayush Gurung, Zarkawt Lords