World Cup khel lo tur Mane

Sadio Mane chu a khup hliam zai a ni a, a hliam vang hian World Cup a khel thei dawn lo. Senegal chuan Mane hi chhawr hram an duh, hliam nei chungin squad-ah pawh an telh, mahse an beisei angin an chhawr thei dawn ta lo a ni.

Tun kartir khan Senegal football thuneitu lam chuan, an forward hi match hmasa bera an chhawr theih loh tur thu an lo sawi tawh, group match hnihna aṭangin a inkhelh hman an beisei viau.

Mahse, Ningani khan a dinhmun enfiah leh a ni a, a khelhna Bayern Munich chuan Germany khawpui Munich lamah Mane hi enkawl a nih tur thu an puang, an ram leh Mane tan chuan thu hriat hrehawm tak a ni ngei ang.