Naupang League an khel ṭan ta!

Reliance Young Champs leh Mizoram Football Association ṭang kawp buatsaih 'Naupang League' chu November 19, Inrinni aṭangin Joint YMA Field, Aizawlah ṭan a ni. Inelnaah hian team 12 an tel a, kum 13 hnuai lam inelna niin kum bithliah panga - Under 5, Under 7, Under 9, Under 11 leh Under 13 ah ṭhen a ni.

Naupang League hawnna hi Jeje Lalpekhlua leh Zohmingliana Ralte-ten an hmanpui a, Reliance Young Champs hotute leh Mizoram Football Association hruaitute an tel bawk. Naupang League chhungah hian inkhelh ringawt ni lovin inkhelh zirna (training) hun a hranpaa siam a ni dawn a, naupang tan hmasawnna tur a tam dawn.

Team tin hian Reliance Young Champs aṭangin jersey, mawza, shin pad (shin guard) leh mamawh dangte naupangte hian an dawng ang. Inelna hi round 32 inkhelh tur a ni a, kum 2023 May thlà thleng daih tura duan niin sikul chawlhah khelh ṭhin tur a ni. Reliance Young Champs aṭangin football coach hrang hrangin a khat tawkin an vil reng dâwn a, player ṭha zual thlan chhuahte tán Mizoramah residential camp an buatsaih ṭhin ang a, season tawpah a tiṭhate chu Reliance Young Champs hmunpui Mumbai lamah inzir tura hruai an ni ang.