ADFA 1st Div League BVT lakah Mission Veng an chak

Aizawl District Football Association (ADFA) buatsaih ADFA 1st Division League chu Inrinni khan Lengpui Mini Sports Complex-ah khelh chhunzawm a ni a, inkhel pahnih a awm.

Mission Veng chuan Bethlehem Vengthlang lakah 1-0 in hnehna an chang, goal awmchhun hi Malsawmsanga'n chawlhlawk hma hreta a khung a ni. Inkhel dangah Aizawl FC Academy leh Ramhlun North te 1-1 in an inhnehtawk ve bawk.

League match ruk an khelh tawh chinah, hmahruaitu Kanan chuan point 13 an hmu a, an hnuaiah Sihphir Venghlun, Dinthar leh Mission Veng te an awm.

Vawiin hian a hmun ngaiah inkhel pahnih a awm leh dawn. Inrinnia match nei Mission Veng leh Bethlehem Vengthlang te an inlan chhunzawm leh nghal dawn a, pathumna ni lai Dinthar an inlan bawk ang.