Jerry-a'n goal a khung

Indian Super League-ah Mizo hming a mawi leh ta - Jerry Mawihmingthanga chuan Odisha FC tan goal a khung a, East Bengal lakah 4-2 in a team chu hnehna a chanpui.

Kolkata club tan Thongkhosiem Haokip leh Naorem Singh ten first half chhungin goal hnih an khung a, mahse, Pedro Martin (2 goals), Jerry leh Nanda Kumar ten Odisha tana chhangletin an chak.

Inrinni zanah Chennaiyin chuan 3-1 in Jamshedpur an hneh. South Indian club tana Petar Sliskovic goal hmahruai chu Ishan Pandita chuan sut mah se, Chennaiyin tan bench aṭanga luhtir Vincy Baretto leh Abdenasser El Khayati te chuan an khung leh a, 3-1 in an chak daih.

Kerala Blasters chuan tun season-a tlawm la nei lo Hyderabad chu 1-0 in an hneh a, Dimitrios Diamantakos chuan inkhela goal awmchhun a khung.