French Open entu awm dawn lo?

Thla li ngawtin French Open khelh hun tur an sawn tlai a, chuti chung chuan clay court inelna lian hi a hmuna entu an awm theih a beiseiawm chuang lo.

French tennis chief Bernard Guidicelli chuan, "Engmah thutlukna a la awm lo, a pawimawh berah chuan Roland Garros hi player ten ṭha taka an khelh theih hi kan duh ber chu a ni.

"Sorkar thuneitu ten ruahmanna an siam a, kan zavaia ṭhat tlanna turin keini lam pawhin an thu zawm kan tum. Khawvel hmun hrang hrang aṭangin en chak an tam tih pawh kan hria, a hmuna entu an awm lo a nih pawhin TV lamah en theih a nih ka beisei," a ti.

French Open hi May 24 aṭanga June 7 chhunga khelh tura tih a ni. Mahse coronavirus vangin September 20 aṭanga October 4 thleng khelh tura tih a ni thung. France ramah hian September thla thleng chu infiamna lama mipui 0punkhawm khap a ni.

Indopui II-na hnua a vawi khat nan Wimbledon chu ṭhulh a ni tawh, hard court inelna lian US Open chu August 31 aṭanga September 13 chhungin khelh theih beisei a la ni a, a dinhmun erawh a la chiang bik lo.