SKY-a'n century a siam

India-in T20 leh ODI match thum ve ve khel turin New Zealand an tlawh mek a, November 20, Pathianni khan Men in Blue hian T20-ah Black Caps hi 65 runs-in an hneh. Mikhual team tan Suryakumar Yadav a che ṭha a, ball 51 lekah thi loin 111 runs a vaw chhuak.

Men in Blue hian T20 World Cup semifinal-a England laka an mualpho hnuah New Zealand an pan a, T20 match hmasa ber chu ruahsur vangin khelh theih a ni lo. Pathiani khan T20 match thum khelh tura vawi hnihna chu Bay Oval-ah kheh a ni.

New Zealand-in vawm hmasak an thlang a, India tan opener Ishan Kishan-a'n 36 runs siam a, century siamtu SKY-a chet ṭhat zarah mikhual team hian 191/6 runs an siam. Black Caps tan target hi a sang mah mah a, Deepak Hooda-a'n over 2.5 lekah wicket li a la bawk. Mualneitu hian over 18.6-ah 126 chauh an siam a, India hi 65 runs-in an chak.

India hian vawiin chhun dar 12:00 hian McLean Park, Napier-ah Black Caps nen hian T20 match thumna leh tawpna ber an khel leh ang.