Mane khup hliam an zai

Senegal forward Sadio Mane chu a khup hliam zai a ni a, Bayern Munich chuan thuchhuah siamin, an thiampuipa hi Prof. Christian Fink leh Dr. Andy Williams ten hlawhtling taka an zai thu an puang.

Kum 30 mi Mane hi November 8-a Werder Bremen nen an inkhelh ṭumin a inhliam a, a tirah World Cup a khelh theih tho rin a nih avangin Senegal chuan an squad-ah an telh.

Mahse, kar hmasa Ningani khan Mane hliam hi en dik a ni a, match hmasa lam chauh inlan thei lo tura ngaih player hi World Cup a khel thei dawn lo, tih tihchian a ni a, zai a ni zui ta a ni.

Bayern chuan, "Munich-ah a inenkawl chhunzawm ang," tiin an forward dinhmun an sawi a, Senegalese forward lo kir hun tur hi chiang taka tarlan a awm lo.

African Footballer of the Year ṭum hnih lo ni tawh Mane hian ram tan match 93-ah goal 34 a khung a, February khan AFCON-ah an ram hi champion puiin, World Cup playoff-ah Egypt hnehin, an ram hi Qatar pan turin a tlinpui bawk - a hunah erawh hliam vangin a inlan ve dawn ta lo thung.