Basketball thiam ber Mizoram

India ram chhung state hrang hrang inelna - 47th Sub Junior National Basketball Championship khelh zawh a ni a, mipa inelna huangah Mizoram naupangte an thiam ber.

Kangra, Himachal Pradesh-ah Thawhṭan zan khan final khelh niin, Mizoram Basketball Association (MBBA) tirha kal Mizoram hian final-ah Haryana chu 51-31 in an hneh a, nomawi an kawl lai chu an humhim.

Mizoram hi champion lai an ni a, hei vang hian level 1-ah an awm sa. Group stage-ah hmahruaitu an ni bawk, level 2 leh level 1 point hmu hniam te inkhelh kual lamah an awl thei. Quarterfinal aṭanga final thlengin, an group lama an tum tawh te an tum chhoh leh phah a ni.

Basketball Federation of India (BFI) hnuaia National Basketball Championship-ah hian, mipa huangah state hrang 26 an inlan a, hmeichhe lamah team 23 an inlan thung.

Mizoram hian champion nawn tumin inbuatsaihna an nei ṭha, inbuatsaihna a ṭhat ang ngeiin kum 2019 a Mizoram champion puitu coach Marc Lalthlamuana Sailo hnauaiah an khel ṭha a, ani bakah hian assisttant coach Dennis VL Mawia leh manager Richard Hmingliana te an ṭangkai bawk.

Mizoram Result
Final
Mizoram 51 - 31 Haryana
Semifinal
Mizoram 65 - 63 Rajasthan
Quarterfinal
Mizoram 53 - 32 Uttar Pradesh

Group Stage
Mizoram 58 - 44 Uttar Pradesh
Mizoram 51 - 13 Chhattisgarh
Mizoram 41 - 44 Haryana
Mizoram 44 - 25 Rajasthan

Mizoram Team
1 Samuel Vanlalpeka Kulikawn West
2 Lalramliana Zarkawt
3 C. Lalbiakhlua Tuikual South
4 Timothy Lalhriatpuia Dawrpui
5 K. Lalsangzela Zarkawt
6 Jacob Vanlalruatdika Khatla South
7 Ronie Vanlalawmpuia Bungkawn
8 F. Lalrinsanga Nursery
9 C. Lalfakzuala ITI Veng
10 PC. Lalruatfela Dawrpui Vengthar
11 B. Zonunmawia Khatla South
12 K. Laldinthara Dawrpui Vengthar

Coaching Staff:
Manager Richard Hmingliana Kulikawn
Coach Marc Lalthlamuana Sailo Zarkawt
Asst. Coach Dennis VL Mawia Khatla South