India-in series an la

Nimin khan McLean Park-ah India leh New Zealand ten T20 match thum an khelh tura hnuhnung ber an khel a, team pahnih hi an inhnehtawk. Ruahsur vangin match hmasa ber an khel thei lo a, match tawp berah pawh DLS method hman a ngai - match hnihna hnehna changtu India-in series 1-0 in an la.

Ṭhumvawrah New Zealand an vannei a, vuak hmasak an thlang. Mualneitu hian Devon Conway (59) leh Glenn Phillips (54) te hmangin 160 runs an siam. India tan target harsa niin lang lo mah se match hmasa lama century siamtu Suryakumar Yadav pawhin 13 runs chauh a siam.

Top order chet chhiat hnuah captain Hardik Pandya-a'n ball 18-ah 30 runs a siam a, over 9-ah 75/4 runs an siam. Ruahsur vangin an khel zui thei lo a, DLS method aṭanga en hnuin India-in chak turin 76 runs an mamawh. Men in Blue-in run khatin target an pha lo a, team pahnih an inhnehtawk.