Russia hi World Cup khel tur kan ni - Sorokin

Kum 2018-a Russia-in World Cup an thlen ṭuma organising committee chief executive Alexey Sorokin chuan Russia chu World Cup khel tur an nih thu a sawi a, Qatar-a an ram team inlan ve thei lo chu pawi a ti hle.

Russia hi World Cup qualifier-ah khan UEFA play-off path khel turin an tling a, mahse, an ramin Ukraine a run avanga hremna hrang hrang an tawrh zingah World Cup khel thei lo turin FIFA chuan a hrem.

He path aṭang hian Poland chu World Cup khel turin an tling zui a, Russia tan chuan ui tak chunga thlir bak tih theih a awm lo. Sorokin chuan, "Qatar-ah hian inlan ve tur kan ni a, chance kan nei ṭha em em - kan inlan lo hi chu uiawm tak a ni," tiin a sawi.

Russia hi hrem an nih hmain World Cup khel tur hian an tling teuh hle. Mahse, an group-ah point khat leka hmahruaitu Croatia phak loin, playoff khel tura tih an ni a, mahse, an ramin Ukraine a run zui avangin an inlan ve a rem ta lo - Russia hi Euro 2024 khel tur qualification round-ah pawh telh an ni lo.