Hun pawimawhah Chhingcows talbuai

Chhinga Veng FC-in Mizoram Premier League Season 6 semifinal first leg-ah tun season-a vawi li an hneh tawh Chanmari FC chu 1-1 in an draw hram.

Semfinal second leg hi Lammualah November 30 zanah khelh a ni dawn a, away goal rule a awm loh avangin minute 90 chhunga chak zawk an awm lo leh a nih chuan penalty hmanga chak zawk zawn tur a ni.

Zirtawpni zan inkhelah hian Chanmarians-in minute 45-naa MC Mal­­sawmzuala penalty hmangin hma an hruai a, minute 13 chiah a awm tawh tihin Chanmari FC midfielder Joseph Lal­fakzuala'n an lamah a tauh lut a, 1-1 in inkhel a tawp.

Semifinal-ah Chan­mari FC-in bul an ṭan ṭha zawk a, Vanlalbiaa Chhang­te chu Chhinga Veng tan buaina a ni. Hriangtlang tlangval hian an hun ṭha neih khung lo mah se first half tawp hma chiahin penalty a hlawh chhuak a, referee hmuh danin Chhingcows captain Lalrin­chhana Tochhawng-in a kut hmangin goal a lut tur ball a dang. Siaha tlangval MC-a rawn pen chhuakin boruak sangah cool zetin a khung.

Second half erawh Chhinga Vengin an thunun a, Malsawmfela vanduai zanah Chanmari keeper F. Lalmuanawma a khel ṭha takzet. Sawmfela hian hian round 7 hnuah goal a khung tawh lo.

Minute 77-naah R. Malsawmtluanga free­kick vawrhluh chu Chan­mari midfielder Faka'n chhut sualin an lam goal-ah a tauh lut a, keeper Muanawma tan dan ngaihna a awm lo. Hun tawp thlengin boruak a sang a, goal erawh hmuh tur a awm tawh lo - Chhinga Veng attacking football hmuhnawm kan hmu a, mahse a hmawr an bawk thei lo.

First leg vangin Chanmari FC coaching staff, player-te leh mipuiten Chhinga Veng an chung en tawh lo a, second leg a hmuh­nawm sawt ang.

Inkhelh banah Chhing­cows coach Lal­sang­zuala Hmar chuan penalty chungchanga referee thutlukna dik lo vanga inhnehtawk an nih thu a sawi a, chak an phu thu a sawi tel bawk.

Chan­mari FC assistant ma­nager C. Lalfakawma chuan chak an inbeisei laia an chak zo lo chu pawi a tih thu a sawi a, referee thutluknaah sawisel tur a awm lo a ti thung.

ZoFooty Statistics
Chhinga Veng FC 1-1 Chanmari FC
CVFC : Joseph Lalfakzuala 77' (OG)
CFC : MC Malsawmzuala 45' (P)
MoM : F Lalmuanawma, CFC
52% Ball Possession 48%
13(6) Shots 11(6)
4 Yellow Card 1
0 Red Card 0
Powered by Rainbow Multibrand Mobile Showroom