Hong Kong-ah Sindhu pahnihna

Nimin khan Hong Kong Open Superseries final khelh a ni a, hmeichhe singles-ah PV Sindhu chu Tai Tzu-ying lakah chak zo loin pahnihna a ni. World number 1 Tai tan Superseries title 12-na chiah a ni a, ranking-ah point 9,200 a hmu ta bawk.

Hong Kong Coliseum-a inkhel­ah world number 1 Sindhu hian Chinese Taipei lakah a tir aṭangin beisei a phak lo a, minute 45 an inkhelh hnuah 21-18, 21-18 in a chak lo. Indian shuttler hian game hmasa zawk a hloh hnuah game hnuhnung zawkah 11-9 in hma hruai ve mah se a inpawhthlaktir leh.

Kum 22 mi Sindhu hian ni­kum Rio Olympic-ah khan silver medal a dawng a, India hmei­chhe zinga tawng sang ber a ni. Amaherawhchu, tun hnaiah no­mawi liantham a chawi tam lo. Hong Kong Open Superseries-ah hian Indian shuttler Saina Nehwal leh Prakash Padukone te chuan kum 2010 leh 1982 khan nomawi an lo chawi tawh a ni.