ISL-ah Mizo hming a mawi zel

Indian Super League-ah Mizo hming a langsar zel a, Zirtawpni zan khan Mizo tlangval Lalruatthara chu Emerging Player of the Match-ah thlan a ni.

Kochi khawpuiah Zirtawpni zan khan Kerala Blasters leh Jamshedpur FC chu goal khung loin an inhnehtawk a, Blasters tana inlan Hmunhmel-ṭha tlangval Ruatthara hi he match bika Indian rawlthar player che ṭha berah hian thlan a ni.

Blasters-ah Lalṭhakima awm ve bawk mah se a inlan lo a, Jamshedpur lamah Jerry Mawihmingthanga chuan inkhel bul ṭanin Sairuatkima'n bench lamah hun a hmang bawk - team pahnih hian an match hmasa pahnihah an khingpui an inhnehtawkpui.

Inrinni zan inkhelah Mumbai City chuan 2-1 in FC Goa an hneh a, Mumbai club tan Everton Santos leh Thiago Santos ten goal khat ve ve an khung a, Goan club tana Manuel Arana goal khungin awmzia a nei lo.

Mumbai City 2 - 1 FC Goa
Moment of the match Thiago Santos, Mumbai City
Winning pass of the match Ferran Corominas, FC Goa
Fittest player of the match Gerson Vieira, Mumbai City
Hero of the match Everton Santos, Mumbai City
Emerging Player of the Match Abinash Ruidas, Mumbai City

Kerala Blasters FC 0 - 0 Jamshedpur FC
Moment of the match Sandesh Jhingan, Kerala Blasters
Winning pass of the match Iain Hume, Kerala Blasters
Fittest player Kervens Belfort, Jamshedpur FC
Emerging player Lalruatthara, Kerala Blasters
Hero of the match Mehtab Hossain, Jamshedpur FC