Lords aia lian Ramhlun Venglai

Mahuma Memorial 1st Division Cricket Tournament-ah Inrinni khan team intiat tawk Ramhlun Venglai CC leh Zarkawt Lords an inhmachhawn a, wicket hnihin RVL-in hnehna an chang.

Suaka Cricket Ground Sihhmuia inkhelah hian Zarkawt Lords batsman ten beisei an phak lo a, over 32.3-ah run 129 chiah siamin an out vek a, run 32 siamtu Mustafa Lasker chu run siam hnem ber a ni.

Ramhlun Venglaiin an target tam lo tak umin batting bul ṭan ṭha viau mah se Lalhruaitluanga (30 runs) out hnuah an talbuai deuh a, mah se Debakar-a'n (32) huaisen taka Lords bowler ho a rawn hmachhawn avangin over 30.2-ah an target an umpha - wicket hnih an hloh.

Nimin Inkhel Result
Ramhlun Venglai: 130/8 (30.2) bt Zarkawt Lords: 129/10 (32.3)
* Wicket hnihin RVL an chak
Vawiin Inkhel Tur
09:30 AM Chanmarians CC vs Gorkha CC