A chung berah Inter

Captain Mauro Icardi-a goal hnih bakah Marcelo Brozovic goal hmangin Inter Milan chuan Inrinni zan khan Cagliari chu 3-1 in an va luhchhuah a, chak loh la nei lo Inter hi Serie A hmahruaitu an ni.

Kum 24 mi Icardi hian tun season Serie A bikah match 14 khelh aṭangin goal 15 a khung tawh a, tun ṭum hi match khata goal hnih a khung tlin vawi rukna chiah a ni bawk. Luciano Spalletti naute hian point 36 an hmu a, nizana Napoli inkhel result a zirin an dinhmun hi a la danglam thei ang.