Spurs an ṭha tawk lo

Tottenham Hotspur-in Wembley Stadium-ah Harry Kane goal hmangin West Brom laka an siphurh an sut a, 1-1 in an inhnehtawk.

Inrinni zan Premier League inkhelah hian Baggies tan Salomon Rondon-a'n minute lina lekah a khung a, Spurs an talbuai phah hle. Inkhelh banah Kane chuan, "Kan ṭha tawk lo. Tuna kan result avang hian league-ah kan hnufual phah a ni," tiin an khelh ṭhat tawk loh thu a pawm.

Spurs hian match 13 aṭangin point 24 an hmu a, nizana Huddersfield nena inkhel Manchester City an phak lohna chu point 10 a tling ta.

Inkhel dangah Manchester United-in kai thar Brighton & Hove tlarhnung sut tlang an harsat a, Od Trafford-ah 1-0 in an chak hram. Jose Mourinho hote tan minute 66-naa Ashley Young-a ball pet chu Lewis Dunk chuan dang perin goal kilah a lut a, United hian he goal hi vanneih pui ta a ni.

November 24, Zirtawpni
West Ham United 1 - 1 Leicester City
November 25, Inrinni
Crystal Palace 2 - 1 Stoke City
Manchester United 1 - 0 Brighton & Hove
Newcastle United 0 - 3 Watford
Swansea City 0 - 0 AFC Bournemouth
Tottenham Hotspur 1 - 1 West Brom
Liverpool 1 - 1 Chelsea