Mohun Bagan chak zo lo

Inrinni zan khan tun season I League match hmasa ber khelh a ni a, Mohun Bagan chuan an mikhualna ramah hnehna chang zo loin Minerva Punjab nen goal khat ve ve khungin an inhnehtawk.

Kolkata club tan hian captain leh I League player hlawh hnem ber ni bawk Sony Norde chuan minute 42-naah goal hmahruai a khung a, Minerva Punjab hian hun tawp nan minute khat chiah a awm tawh tihin Moinuddin Khan hmangin an si phurh hi an sut a ni.

Mohun Bagan tan Aizawl FC player hlui pahnih Ricky Lallawmawma leh Eze Kingsley te chuan inkhel bul an ṭan ve ve. Zanin dar 8:00-ah I League hi khelh chhunzawm tur a ni a, Mizo tlangval Samuel Lalmuanpuia, Lalrammuana leh

F. Lalrohlua te khelhna hian I League club thar Gokulam FC an mikhual ang - Kerala club-ah hian season hmasaa Aizawl FC striker Kamo Stephane Bayi a khel.