Heynckes hnuaiah Bayern chak lo

Jupp Heynckes-a'n a enkawl china a vawi khat nan Bayern Munich an chak lo. Inrinni zan Bundesliga inkhelah Bayern hi Borussia Monchengladbach khelmualah 2-1 in an tlawm a, inkhel dangah Borussia Dortmund chuan si li faia hma an hruai hnuah goal li chhuah lehin Schalke nen 4-4 in an inhnehtawk.

Kum 72 mi Heynckes hian player a nih laiin season hnih chhung chu Monchengladbach tan hian a khel tawh a, coach a nih hnuah pawh ṭum hnih a enkawl tawh. Tun ṭumah erawh a vawi li nan Bayern a enkawl mek a, German manager hian kum 2012 October thla a Bayer Leverkusen a hneh loh hnuah league match bika a chak loh lehna hmasa ber a ni.

Bayern hian point 29 hmuin league hmahruaitu an ni mek a, an hnuai chiaha awm RB Leipzig aiin khelh zat inangah point thumin an sang zawk mek.