Sub Junior Inter District Vawiinah final lut tur a chiang dawn

Champhai Chhangphut Field-a 13th Inter District Sub Junior Football Championship neih meka final lut tur zawnna chu vawiinah khelh a ni dawn - a dar 11:30-ah Kola­sib leh Lunglei te an inkhel ang a, dar 1:30-ah Champhai leh Aizawl an intum ang.

Kolasib-in match thum an hmachhawnah hnehna chang vek chungin semifinal an lut a, goal 17 ngawt khungin goal an chhuah lo - goal nga khung tawhtu Lal­thangliana chu an innghahna tur a ni leh ang.

Lungleiin semifinal lut chiang turin match tawp an nghah thlen a ngai thung a, match thum an khelhah Mamit leh Lawngtlai sawp mah se Champhai an ngam loh avangin Kolasib lakah rin ngam an harsa ang.

Dar 1:30-ah semi­final pahnihna khelh a ni dawn a, a thlengtu Champhai leh Aizawl an inhmachhawn ang. Aizawl-in an match hmasa bera Kolasib an ngam loh hnuin an tlu nawn tawh lo a, a zawna Serchhip leh Siaha hnehin semifinal an lut.

Chutihrualin final-a an hma­chhawn tur hi inelna thlengtu leh match thuma hnehna chang vek thei Champhai an ni a, a awlsam lo ang.

Inkhel pahnih hi live-a pekchhuah a ni dawn a, Zonet Rihnimah a en theih ang.

Vawiin Inkhel Tur
11:30 AM Kolasib vs Lunglei
01:30 PM Champhai vs Aizawl