A tawp niah Bottas a chak ber
Pathianni zan khan tun season chhunga Formula 1 intlansiak hnuhnung ber Abu Dhabi Grand Prix chu tlan niin Mercedes driver Valtteri Bottas chuan hnehna a chang.
Intlansiak hnuhnung pahnih tlan hmaa world champion ni thei Lewis Hamilton chu pahnihnaah thlengin Hamilton ang tho a world champion vawi li ni tawh Sebastian Vettel chu pathumna a ni thung.
Kuminah hian intlansiak vawi 20 buatsaih a ni a, Britain driver Hamilton-a'n vawi kua ngawt hnehna changin point 369 a hmu thei a, driver dang chuh buai phak lohin a vawi li nan a champion; Hamilton hnungah hian Ferrari chhuanvawr Vettel (317pts) leh Bottas (305pts) te an awm bawk.
Formula 1 team te hian season thar inbuatsaih nan thla thum chuang deuh hun an nei dawn, nakkum March 26 hian season bul ṭan nan Australian Grand Prix tlan leh a ni dawn.
Abu Dhabi Grand Prix Results
# Driver Car
1 Valtteri Bottas Mercedes
2 Lewis Hamilton Mercedes
3 Sebastian Vettel Ferrari
4 Kimi Raikkonen Ferrari
5 Max Verstappen Red Bull
6 Nico Hulkenberg Renault
7 Sergio Perez Force India
8 Esteban Ocon Force India
9 Fernando Alonso McLaren
10 Felipe Massa Williams