Chong Wei a thiam ber

Badminton mipa singles world number 1 hlui Lee Chong Wei chuan Olympic champion Chen Long chu minute 47 chhungin 21-14, 21-19 a hnehin Hong Kong Open nomawi a chawi a; December 14-18 chhunga khelh tur World Superseries Finals atan hmun a chang chiah bawk.

Pathianni khan Hong Kong Coliseum-a final inkhelah kum 35 mi Chong Wei hian harsatna liamtham a tawk lo, game hnih an khelh chhung zawngin a hmuhnawm zawk a ni. Game hnuhnung zawk an khelh laiin 10-15 in hnufual zawk mah se huaisen takin a pawtthla thei.

Lee hi tun hnaiah Chinese shuttler lakah a chesual fo. China Open quarterfinal-ah khan Lin Dan a hneh lo a, nikum khan Rio Olympic gold medal match-ah Chen hi a hneh lo bawk - season hmang ṭha lo Lee hian Rio-a a hneh loh hneh letin tun season chhunga a Super Series title hmasa ber a la ni.