Klopp leh Mane inkar a buai lo

Liverpool-in karhmasa Premier League inkhelah Chelsea chu 1-1 in an inhnehtawkpui a, rin loh takin Reds player chhuanvawr Sadio Mane chu hun tawp dawnah tlan luhtir chauh a ni.

Senegalese forward hi match pawimawhah bench-ah dah a nih avangin a pu Jurgen Klopp chungah a lungawi lo nia sawi a ni a, inkhelh zawhah an pahnih titi chu khawthlang media-te chuan an inhmuhthiam loh vang niin an sawi.

Mahse, Mane chuan, "Coach khan mual ding lam sira khel turin min ti a, mah se vawi khat kha num­ber 9 position-ah ka lo va tlan a, boss khan tlan let turin min rawn au. In­khelh zawh hnu khan coach hnenah khan Mo Salah kha i bul hnaiah a awm a, amah zawk kha min rawn hrilh tir mai tur alawm tiin ka hrilh"

"Ka lungawi loh vang a ni a, inkhelh zawha titi kalphung pangngai satliah a ni. Coach chungah lungawi lohna ka nei lo a, game-a thil thleng chungchang ka sawipui satliah mai a ni," tiin a sawifiah a, Liverpool-ah a hlim.

Liverpool hian zanin dar 1:30-ah Premier League match khelh tur an nei lehnghal dawn a, khualmualah Stoke City chu an lenchilh dawn a ni.