Mahuma Memorial I Div Chhinga Veng an inlar

Mahuma Memorial Cirkcet Tournament-ah Chhinga Vengin an theihna an pholang ṭan a, an match hmasa pathuma vawi khat chiah hnehna an chan hnuah nimin khan Tlangnuam CC chu awlsam takin wicket sarihin an hneh.

Suaka Cricket Ground-a inkhelah Tlangnuamin vuak hmasak an thlang a, an tifuh lo - over 27.3-ah run 96 chiah siamin an out vek a, run siam hnem ber Thlangzawka pawhin run 25 bak a tlin lo. Tlangnuam tan over li lek a vawma wicket thum latu Chhandama leh wicket li latu Raj Kumar te chu mangchhia an ni a, an beisei ang run an siam thei lo.

Chhinga Veng lamin target hniam tak an um avangin hun an duh rei lo - over 15.5 lekah wicket thum chiah hlohin an target hi an umpha a, wicket sarihin hnehna an chang. 3C tan K. Vanlalruata chuan batsman langsar a nih chhan pholangin run 36 ngawt a rawn siam a, a tawp thleng a dam.

Nimin Inkhel Result
Chhinga Veng CC: 97/3 (15.5) bt Tlangnuam CC: 96/10 (27.3)
*Wicket sarihin Chhinga Veng an chak

Vawiin Inkhel Tur
09:30 AM Kulikawn CC vs Zemabawk Pitchers