Kar ruk chawl tur Gotze

Borussia Dortmund midfielder Mario Goetze chu a ke rek na vangin chawlhkar ruk chhung a chawlh a ngai dawn, kumin chhungin a inkhel kan hmu thei dawn tawh lo tihna a ni.

Germany international hian kartawpa Dortmund leh Schalke te 4-4 a an inhnehtawk ṭumin an goal thumna a khung a, mahse second half-ah hliam a tuar hlauh. Dortmund hian an goal li neih sa hum zo loin point khat chiah an hmu thei.

Bundesliga club chuan thuchhuah siamin, "Mario Gotze khan a kerekah hliam a tuar a, kumin thlasik chawlh hma chuan a inkhelh hman a beiseiawm tawh loh," tiin an sawi.

Germany-ah chuan December 20 aṭangin thlasik chawlh an hmang dawn, kum 25 mi Gotze hian Bundesliga match nga bakah Champions League-ah Real Madrid a hmachhawn thei dawn lo tihna a ni.