Kane a dinhmun an endik

England captain Harry Kane chu Thawhṭannia Iran 6-2 a an hneh ṭumin a ke reka hliam a neih avangin an thlak a, nimin khan Tottenham striker dinhmun hi an endik.

Three Lions hian November 25, Zirtawpni zan hian United States an hmachhawn dawn a, kum 29 mi Kane hi inlan lo thei dinhmunah a ding.

Tottenham striker hian ram tan match 76-ah goal 51 a khung tawh a, World Cup hnuhnung berah top scorer a ni.

Iran lakah Kane hian goal khung lo mah se player pawimawh a nihzia khelmual chhungah a pholang a, US hi a hmachhawn thei lo a nih chuan Gareth Southgate tan ngaihtuahna senna tur a tam sawt ang.