Basketball coaching zo fel
American basketball player a nih hnua coaching lam luhchilhtu Nelson Guilliam Isley kaihhruaina hnuaia neih WABC Level-1 Coaching Certification Course chu Thawhlehni khan tluang taka zawh a ni.
Basketball Federation of India (BFI) in Mizoram Basketball Association (MBBA) a thlentir he coaching course-ah hian coach thlan bik 15 ten coaching an nei a, Mizoram pawn aṭangin coach panga an rawn tel; Meghalaya coach pali bakah West Bengal aṭangin pakhat a rawn kal a ni.
Tun hma chuan FIBA Level 1, 2, 3 tia kalpui ṭhin a ni a, nikum aṭang khan World Association of Basketball Coaches thawhpuiin FIBA-WABA coaching level 1, 2, 3 tiin an kalpui. Kumin chhungin India ramah Level 1 leh Level 2 te hi hmun hnihah ve ve neih tur a ni a, Mizoram hian pakhat zawk thlengin North East-a neih hmasak ber a ni.