LeBron James an hnawt chhuak

LeBron James chu professional basketball a khelh hnua a vawi khat nan an hnawt chhuak. Nimin zing NBA inkhelah Cleveland Cavaliers chuan Miami Heat lakah 108-97 in hnehna an chang a, he inkhelah hian quarter thumnaah James hi referee Kane Fitzgerald nen an inhnial buai vanga hnawhchhuah a ni.

Kum 32 mi James chuan, "Tihsual ka nei a, ham sak ka ni. Ka thim­rimna referee lakah la lantir a, ani chuan min lo hnawt chhuak ta mai a ni. Kan ngaihdan leh lungawi lohna te chu kan sawi chhuak ve thei turah ka ngai. Thil ka tih dik loh avangin a pawi ka ti a, chutihrualin hnehna kan chan avangin ka lawm," tiin a sawi.

American star James hian NBA regular season bikah match 1,082 zet a khel tling tawh a, pla­yer inthunun thei leh puitling tak a nih avang­in hremna na tak a hmachhawn ngai meuh lo.

Most Valuable Player vawi li ni tawh James hian Miami Heat lakah hian point 21 a score bakah rebound vawi 12 lain assist ṭum ruk a nei bawk. Cavs hian tun hnaiah a zawnin match kua hnehna an chang tawh a, Eastern Conference lamah pa­thumna an ni mek.