Tiger Woods a hlim

World number 1 Tiger Woods chuan tun hnaia inelna a hmachhawn ve leh thei tur chu a lawm thu a sawi chhuak. Tunkar chhunga Bahamas-a khelh tur Hero World Challenge-ah Woods hi a inlan thei dawn a ni.

American golfer hi tun hnaiah a hnungzâng na vawi li ngawt zai a ni, a hliam hi a dam hleihtheih loh avangin infiamna chawlhsan mai a rilruk thu pawh a sawi hman hial, thla 10 chhung zet chu a inkhel thei tawh lo.

Major title 14 la tawh Woods chuan, "Kum hnih deuh thaw chu khumah hun ka hmang a ni deuh ber a, tunah inkhel tura ka inbuatsaih ve leh ta ringawt pawh hi hlimna tham a tling," tiin a sawi.

Kum 41 mi Tiger Woods-a'n inelna a hmachhawn hnuhnung ber chu kum 2013 daih tawh kha a ni a, major title a lak hnuhnung ber pawh kum 2008 daih tawh kha a ni. Woods hi golfer hlawhtling berte zinga mi a ni a, a vanglai chuan khawvel infiammi zinga sum hailut hnem ber pawh a ni ṭhin.