World Cup ticket hralh hnem
December 1-ah World Cup draw neih a ni tawh dawn a, Russia-a FIFA World Cup 2018 khelh turin ngaihven a hlawh sawt hle - ticket zawrhchhuahna hmasa berah ticket 742,760 hralhchhuah a ni tawh a, inelna thlengtu Russia aṭanga ticket lei dilna lut hnem berin 53% zet chu Russian mipuiin ticket lei an dilna a ni a, a bak 47% hi khawvel hmun hrang hrang aṭangin a ni thung.
World Cup-a ticket man tlawm ber hi £79 (Rs. 6,815) niin a manto ber final enna man zat erawh £829 (Rs. 71, 521) a ni a, Brazil 2017 World Cup final aia a to zawkna hi £151 (Rs. 13,027) a ni. Inelna thlengtu Russia mipuite duhsak niin ticket man zat an tan a hranpaa ruahman sak an ni a, an ticket man tlawm ber chu £17 (Rs. 1,466) a ni dawn a ni.
Ticket hralh chhuahna second phase hi December 5 aṭanga January 2018 inkarah kalpui a ni leh dawn a, FIFA website kaltlangin fan-te chuan ticket hi an lei thei dawn a ni. World Cup match 64 hi Russia-a khawpui hrang hrang 11-ah khelh a ni dawn a, khelmual 12-a match en theihna ticket hi maktaduai 2.5 hralhchhuah a ni ang.
World Cup ticket hi 'last minute' sales phase hmang pawhin kalpui a ni dawn a, he last minute sale tia hming an pek hi April 18 leh July 15 inkarah kalpui a ni ang.
World Cup ticket man
Match Category 1 Category 2 Category 3 Category 4 -
Russian residents
Opening match £414* £294 £166 £42**
Group matches £158 £124 £79 £17
Round of 16 £185 £139 £87 £29
Quarter-finals £275 £192 £132 £50
Semi-finals £565 £362 £215 £59
3rd/4th place play-off £275 £192 £132 £50
Final £829 £535 £343 £92
Note: Pawisa hi pound-a dah a ni a, tun dinhmunah pound 1 leh India pawisa Rs. 86.27 a intluk mek