Vawiinah semifinal khel dawn

Aizawl District Football Assocaiton hnuaia club ṭhate inelna - ADFA 1st Division League chu vawiin hian semifinal match hnih khelh a ni dawn. RG Stadium, Mualpuiah Kanan leh Mission Veng ten chhun dar 12:00 hian match hmasa zawk an khel ang.

Kanan hian league match vawi sarih an khelhah hnehna an chang vek, an khingpui an hneh vek avangin Mission Veng pawh hi an hneh hnu an ni a, an huphurh lo ang. Chutih rualin palina ni chunga tlang MSV tan pawh, knockout a nih tawh avangin in lehthal theih a ni.

Chawhnu dar 2:00-ah Sihphir Venghlun leh Dinthar ten final luh an inchuh chhunzawm ang. Dinthar hi Mizoram Premier League champion hmasa ber kha an ni a, hnungtawlh viau mah se an veng hian football an la ngaina reng, entu pawh an nei ṭha leh ang.

ADFA hnuaiah hian 1st division team pariat an awm, heng club-te hi Lengpui Mini Sports Complex-ah vawi khat ṭheuh an inkhel kual, chumi hnuah a sang pali ten semifinal hi an lut. Ruahman dan chuan tun thla tawpah final khelh a ni ang.

Inkhel hi a duh tan a hmunah en theih a ni dawn a, gate luh man mi pakhat tan Rs 30 zel a ni.