Punjab tan Daniel-a'n goal a khung

I League-ah RoundGlass Punjab tan Mizo tlangval Daniel Lalhlimpuia'n goal khung mah se Rajasthan nen 1-1 in an inhnehtawk. Inkhel dangah Mohammedan SC-in Neroca 3-1 in an hneh bawk.

Tau Devi Lal Football Stadium-ah Mizo tlangval pali Brandon Vanlalremdika, Samuel Lalmuanpuia, Freddy Lallawmawma leh Daniel Lalhlimpuia ten mualneitu tan bul an ṭan. Rajasthan lamah Lalliansanga Renthlei-in bul a ṭan ve bawk.

Punjab hian Serchhip tlangval Daniel-a hmangin minute 13-naah an khung hmasa a, chakpui ngei tumin tlarhnung tih chak nan Hmingthanmawia (Valpuia) te an dahluh. Amaherawhchu, Rajasthan tan injury time-ah Gyamar Nikum-a'n siphurh a sut a, 1-1 in inkhel a tawp.

I League khelh mekah match thum an khel tling vek tawh a, chak vek an awm tawh lo. Real Kashmir, Gokulam Kerala leh RoundGlass Punjab ten point sarih vek an hmu a, Mizo club Aizawl FC-in point li an hmu tawh thung.

November 23, Nilaini
RoundGlass Punjab 1 - 1 Rajasthan FC
RGP : Daniel Lalhlimpuia 13'
RAJ : Gyanmar Nikum 90+1'
Mohammedan SC 3 - 1 Neroca
MSC : David Simbo 40' (OG); Marcus Joseph 82' (P); Faslurahaman Methukayil 85'
NER : Mirjalol Kosimov 58'
Nimin Inkhel Results
Sreenidi Deccan 1 - 0 Trau
SRE : David Munoz 41'