Sorkar leh England Cricket Board thawk dun

England and Wales Cricket Board (ECB) chuan Covid-19 buaina karah sorkar nen cricket khelh chhunzawm dan tur an duang mek. England hian March thla laihawl aṭang khan coronavirus vangin cricket inelna zawng zawng an ti tawp vek a, July 1 thleng professional cricket inelna khelh theih a ni dawn lo. Pathianni khan UK Prime Minister Boris Johnson  chuan June 1 thleng lockdown an hman tur thu a tichiang a. ECB chuan, "Kan kal dan tur hi sorkar thutluknaah kan innghat a, an thurawn ang zelin hma kan la ang. Tunah rih chuan ram pumah cricket inelna chawlh a ni a, nipuiah chuan inlena neih chhoh beisei a ni," tiin thuchhuah  an siam.