Brighton player-in hri a kai belh

Premier League club Brighton & Hove Albion chuan an player pakhatin Covid-19 a kai belh tih an sawi a, ni 14 chhung atan khung hran nghal a ni - Brighton player zingah hripui kai pathumna a ni.

Brighton player-te hian mimal training an nei ṭan leh tawh a, tun hma lama training hautak ang kha la ni chiah lo mah se league khelh chhunzawm tumin tha an thawh ngawrh hle.

March 13 aṭang khan EPL hi hri leng vangin chawlh lailawk a ni. June thla aṭangin khelh chhunzawm theih an in beisei, an chhunzawm a nih pawhin a hmuna entu an awm lo ang.

Brighton chief executive Paul Barber chuan, "Dan leh hrai zawm tur ang chu kan theih tawpin kan zawm, midang nena inpawh vak lem lo player pawhin hri hi a kai tlat si a ni," tiin a sawi.

Hri kai thar an awm chungchangah Norwich midfielder Todd Cantwell chuan BBC-in twitter lama news an dah chu a tarlang chhawng a; a thupuiah, "Mihring ve tho kan ni," tiin a ziak - hri leng kara inkhelh a la châk lo.