Sindhu leh Prannoy inlan dawn

Badminton World Federation chuan BWF World Tour Finals khel tur hming a tar chhuak, a thiam zual inelna hmachhawn tur zingah Indian player pahnih PV Sindhu leh H.S. Prannoy te an tel.

Tun thlatir khan Sindhu hian a hliam a la dam chian loh thu a sawi, hei vang hian BWF World Tour Finals pawh khelh a tum lo. Mahse, tun hnaia BWF lamin hming a tarlanah chuan Olympic medal pahnih la tawh hi a hming a lang.

Mipa singles lamah Prannoy a inlan dawn, India tlangval hi player ṭha berte zinga mi ni mah se champion tura rinkai erawh a ni phak dawn lo. A tan semifinal thlen phak a harsa ang.

BWF World Tour Finals-ah hian world ranking sang zual pariat an ko ṭhin, mahse ram pakhat aṭangin singles player pahnih chauh an inlan thei, hei vang hian world number 8 ni phak chiah lo tan pawh kawng a inhawng ve thei bawk.

Tour Finals khel tur:

Men’s Singles: Viktor Axelsen, Chou Tien Chen, H. S. Prannoy, Jonatan Christie, Kodai Naraoka, Lu Guang Zu, Anthony Ginting and Loh Kean Yew.

Women’s Singles: Chen Yu Fei, Tai Tzu Ying, He Bing Jiao, An Se Young, P. V. Sindhu, Ratchanok Intanon, Busanan Ongbamrungphan and Akane Yamaguchi.