Odisha-in Chennaiyin an hneh

Ningani zan Indian Super League inkhelah Odisha chuan 3-2 in Chennaiyin an hneh a, top four-a an dinhmun an sawh nghet zel.

Odisha tan Vafa Hakhamaneshi leh Diego Mauricio (penalty) ten goal an khung hnuin Chennaiyin tan Abdenasser El Khayati chuan a chhanglet ve ve a, si phurh sut zawhna goal hi penalty aṭanga a chhuih luh niin, hun pek belh minute linaa lut a ni.

Team pahnih hi an inhnehtawk mai dawn niin a lang hman. Mahse, Isaac Vanmalsawma ball siamsak ṭha zet chu Jerry Mawihmingthanga'n a um lut a, Chennaiyin player-ten an lo titlu - heta ball per hi Nandhakumar Sekar ke bulah tak a tla a, Tamil Nadu tlangval hian harsatna nei loin goal-ah a chantir a, an chak daih!