Ka tana season ṭha bik a ni - Verstappen

Formula 1 thunun mektu Max Verstappen chuan a tan kum ṭha bik a ni tih a sawi a, tun season a hman ang em ema ṭha chuan kum tharah pawh tlan a harsat a rin thu a sawi hial.

Red Bull driver hian tun season bikah vawi 15 ngawt hnehna a chang, car intlansiakna sang berah hian season khata chak hnem ber record a siam a, an team-in hnehna an chan zat hi vawi 17 zet a ni bawk.

Dutch tlangval Verstappen chuan, "Kei leh ka team ten season kan hman dan hi chanchin lawmawm bik a ni a, mimal tih ṭhat ni loin kan zavaia thawhrah a ni, theihnghilh ngai tawh loh tur kum kan hmang.

"Thawhpui fel leh ṭha tak tak ka nei, anni nen hi chuan eng pawh kan tawng thei ang. Chutihrualin kumina kan hun tawn ang hi chu a harsa tawhin ka ring, thil theih loh erawh a ni lo," tiin a sawi.

Ruahman dan chuan, season tharah intlansiak awm zat tur tihchian a la ni lo, intlansiak 20 chu tihchian a ni tawh thung.