I League-ah Mizo player-te an che ṭha

Ningani zan I League inkhelah Kenkre leh Churchill Brothers te 1-1 in an inhnehtawk a, Goan club tana siphurh sutna goal pawimawh khungtu hi Kelkang tlangval Lalkhawpuimawia a ni.

I league-ah round thum khelh zawh tawh a ni a, match 18 awm tawhin Mizo tlangval pali Samuel Lalmuanpuia (RoundGlass Punjab), K. Lalrinfela (Aizawl FC), Lalchhawnkima (Aizawl FC) leh Daniel Lalhlimpuia (RoundGlass Punjab) te man of the match-a thlan an ni tawh.

Match 18-ah hian match kuaah foreign player-te man of the match-a thlan an ni a, match kaw dangah Indian player-te thlan niin ṭum li ngawt Mizo player thlan an ni hian Mizo player-te an che ṭha tih a tilang.

Vawiin tlai dar 2:00 hian Bawngkawn tlangval R. Lawmnasangzuala awmna Sudeva Delhi leh Rajasthan FC te an inkhel dawn. Rajasthan-ah hian Lalremsanga Fanai leh Lalliansanga Renthlei te an awm bawk.