Hnehna nen Mirza a rawn kir

Sania Mirza chu season hnih hnuah tennis court-ah a rawn kir leh a, nimin khan Hobart International Tour-nament-a doubles huangah a ṭanpui Nadia Kichenok nen hnehna an chang.

Doubles world number 1 hlui Sania leh Kichenok te hian Oksana Kalashnikova leh Miyu Kato te ṭangdun chu 2-6, 7-6 (3), 10-3 in an hneh. Hnehna chang tur hian darkar khat leh minute 41 an mamawh.

Indo-Ukrainian pair hian an match lehpekah chuan American player Vania King leh Christina McHale te an hmachhawn leh ang. Anni hian Spanish duo Georgina Garcia Perez leh Sara Sorribes Tormo te ṭangdun chu 6-2, 7-5 in an hneh ve thung a ni.