Siaha Open champion Malsawmsanga

MBA Senior Ranking Tournament 2022 - Siaha Open chu Zirtawpni khan neih zawh a ni ta a, Thakthing Veng tlangval Malsawmsanga (Esh-a) chu men's singles inelna lianah a vawi khat nan a champion.

MYA Multipurpose Hall, New Siahaa neih inelna hi November 22 aṭang khan neih ṭan a ni a, kum 25 mi Esh-a hian final hmuhnawm takah Joseph Lalhruaitluanga (Jojo-a) chu a hneh - shuttler ṭha pahnih hi Bawngkawn Badminton Club tana khel ve ve an ni.

Women's singles inelnaah Ramhlun South nula Ramngaihzuali chu a vawi khat nan a champion ve bawk a, Ralte Villa Badminton Club tana khel, kum 15 mi lek Zualtei hian Chaltlang Badminton Club tana khel Liansangpuii chu a hneh.

Siaha District Badminton Association-in hneh taka a thlen Siaha Open-ah hian men's singles leh women's singles bakah men's doubles, women's doubles leh mixed doubles-ah te inelna neih a ni a, Master's category pahnih, 35+ leh 45+ Men's doubles-ah inelna neih a ni bawk.

Siaha Open Results
Men's singles
Champions Malsawmsanga (Esh-a), Bawngkawn BC
Runners up Joseph Lalhruaitluanga, Bawngkawn BC

Women's singles
Champions Ramngaihzuali, Ralte Villa BC
Runners up Liansangpuii, Chaltlang BC

Men's doubles
Champions Ismael Azyu, MVBC & Mano Malsawmdawngliana, BBC
Runners up Joseph Lalhruaitluanga & Malsawmsanga (Esh-a), BBC

Women's doubles
Champions H. Lalchhanhimi & Ramngaihzuali, Ralte Villa BC
Runners up HC Elisha, MVBC & Ng. Lalhriatzuali, MUBC

Mixed doubles
Champions CS Lalrongura & H. Lalchhanhimi, Ralte Villa BC
Runners up Mano Malsawmdawngliana, BBC & Ramngaihzuali, Ralte Villa BC

35+ Men's doubles
Champions Joseph M Lalrinawma & Zarzokima, Ralte Villa BC
Runners up Dr. Jerry Lalremtluanga, NCBC & Jacob Lalrinawma, PBC

45+ Men's doubles
Champions Joseph MS Zuala, NCBC & N. Lalramriliana, LTDBA
Runners up L. Mahu, MVBC & Zamzamunga Vualnam, PBC