Hmeichhe football thiam ber Saitual

Inter District Senior Women's Football Championship 2022 chu Siaha-ah khelh a ni a, Saitual chuan final-ah Champhai 3-2 a hnehin an champion. Saitual player Vanlalrempuii leh Lalbiakdiki (goal sarih) te chu best player leh top scorer an ni a, fair play award an dawng bawk.

Inelnaah hian district 10 an tel a, group pahnihah ṭhen niin vawi khat ṭheuh an inkhelh kual hnuah a sang pahnihin semifinal an lut. November 26, Inrinni khan Siaha DFA Field, Meisatla-ah final hi khelh a ni a, Saitual hian injury time-a Biakhluni goal hmangi Champhai hi hun pangngai 2-2 in an inhnehtawkpui.

Extra time-ah Saitual goal hmahruai khungtu Lalbiakdiki'n chakna goal a khung a, Saitualin 3-2 in Champhai an hneh.

Inelna Thlirna Tawi
Final - November 26, Inrinni
Champhai 2 - 3 Saitual
CHA : Lalopheli 52'; Lalhmangaihzuali 68'
SAI : Lalbiakdiki 35+2', 78'; Biakhluni 70+1'

Champion Saitual
Pahnihna Champhai
Top Scorer Lalbiakdiki, Saitual (7 Goals)
Best Player Vanlalrempuii, Saitual
Fair play Saitual DFA